Изилдөөдөн талбаган Кристиан Лиден “Алмаз Кратери” деп аталган мамлекеттик паркына алмаз издеп көп ирет барган.
Ошол жерде адамадар үчүн атайын талаа бар, каалаган адам бактысын сынап, асыл таштарды издей алат.
Кристиан талыкпаган эмгегинин артында, 2,2 караттык асыл таштын ээси болуп калды.
Маалым болгондой, жигит көптөн бери колуктусуна бере турган нике шакекчесинин компоненттерин өз алдынча табууну кыялданган. Ал маанилүү деп эсептелген нике шакегин өз колу менен жасоону эңсеп келген.
Жигиттин кыялы орундалып, көптөн издегени табылып, 2,2 карат алмаз таштуу нике шакегин колуктусунун колуна салуу алдында турат.
Белгилүү болгондой, чекене базардагы 1 караттын (0,2 грамм) наркы орточо сапаттагы майда таштар үчүн 40-50 миң рублдан башталат. Ал эми жакшы сапаттагы үлгүлөр үчүн 2 000 000 рублдан ашат.