Жаныбек Исаков Министрлер кабинетинин Баткен облусундагы ыйгарым укуктуу өкүлүнүн орун басары болуп дайындалды

КР Министрлер кабинетинин Баткен облусундагы ыйгарым укуктуу өкүлүнүн орун басары болуп Исаков Жаныбек Маматович дайындалды. Аталган буйрукка Министрлер кабинетинин төрагасы Улукбек Марипов кол койгон.

Жаныбек Исаков 1970-жылы 3-октябрда Кадамжай районунун Орозбеков айылында туулган.

Жогорку билимдүү: 1996-жылы Ош мамлекеттик университетин “тарых мугалими” адистиги боюнча бүтүргөн.

Мамлекеттик кызматтын III класстагы мамлекеттик кеңешчиси.

Эмгек жолу:

1991–1994-жж. — Баткен облусундагы Пүлгөн айылындагы Михаил Ломоносов орто мектебинде мугалим;

1994–1997-жж. — Орозбеков айылындагы Тешеев атындагы орто мектепте мугалим;

1997–2001-жж. — Кадамжай райондук билим берүү бөлүмү, башкы адис;

2001–2003-жж. — Кадамжай райондук мамлекеттик администрациясынын башкы адисинен тарта аппарат жетекчилигине чейинки кызматтарды аркалаган;

2003–2004-жж. — Кадамжай райондук билим берүү бөлүмү, башчы;

2004–2004-жж. — Кадамжай райондук мамлекеттик администрациясы, сектор башчы, бөлум башчы;

2004–2005-жж. — Кадамжай райондук мамлекеттик администрациясы, башкы адис;

2005–2009-жж. — Кадамжай райондук мамлекеттик администрациясынын аппарат жетекчиси;

2009-ж. — Баткен областтык шайлоо комиссиясы, төрагасы;

2009–2017-жж. — Кадамжай районунун акиминин биринчи орун басары;

2017–2019-жж. — Кадамжай районунун мамлекеттик администрациясы–аким;

2020–2021-жж. — Кызыл-Кыя педагогикалык институнун директору;

2021-ж. — Баткен мамлекеттик университети, структуралык бөлүмдөрдү өнүктүрүү боюнча координатору, ректордун өкүлү.

Үй-бүлөлүү, 4 баланын атасы.