Баткен шаарынын өзгөчө статусу жөнүндө мыйзам долбоору кечээ, 3-окууда Жогорку Кеңештин жыйынында кабыл алынды.
Көрсөтүлгөндөй эле, мыйзам долбоору «Баткен облусунун социалдык-экономикалык өнүгүүсү үчүн эффективдүү шарттарды түзүү зарылчылыгынын негизинде» өкмөт тарабынан президенттин тапшырмасы боюнча аймактык өзүн-өзү башкаруу органдары менен биргеликте иштелип чыккан.
Баткен шаарынын өзгөчө статусу жөнүндө мыйзам долбоору кабыл алынгандан кийин аймакка жыл сайын 500 миллион сом бөлүнүп турат. Бул тууралуу депутат Таабылды Тиллаев Жогорку Кеңештин жыйынында билдирди.
Айыл чарба министринин орун басары Нурлан Шериповдун айтымында, 2020-жылы облуста 13 арыз боюнча 653 гектар жер трансформацияланган.
Аймакка өзгөчө статус берилгенден кийин товарларды мамлекеттик сатып алуунун өзгөчө режими киргизилет жана Баткен облусунун калкына мамлекеттик жана муниципалдык кызмат көрсөтүүдө жеңилдиктер сунушталат.
Ошондой эле, аталган мыйзам долбоорунун алкагында министрлер кабинетинин Баткен облусундагы өкүлүнүн ыйгарым укуктарын күчөтүү каралгандыгы белгиленди:
— атайын функционалдык жана административдик, уюштуруучулук жана административдик ыйгарым укуктар жана өзгөчө статус;
— мамлекеттик органдардын жана жергиликтүү өз алдынча башкаруу органдарынын аймактык бөлүмчөлөрүнүн ишин жана укук коргоо органдары жана күч түзүмдөрү менен өз ара аракеттенүүнү координациялоо боюнча ыйгарым укуктар.