Рэпер маңдайына тагылган миллион долларлык алмазды күйөрмандары жулуп алганына нааразы

Америкалык рэпер  Lil Uzi Vert    (чыныгы аты — Саймир Вудс) күйөрмандары концерттердин биринде чекесинен миллион долларлык алмазды сууруп алганына нааразы болду. Бул тууралуу ал TMZ порталына билдирди.

Ырчынын  айтымында, окуя Майамидеги Rolling Loud хип-хоп фестивалында болгон. Ал сахнадан элдин үстүнө секиргенде, күйөрмандар чекесине тагылган асыл ташты жулуп алышкан.

Ал алмазды чекесине февралда койдурганы белгилүү болгон. Репердин айтымында, ал төрт жыл бою 24 миллион долларлык асыл ташка акча топтогон. Алмазды имплантациялоо операциясын атактуу зергер Эллиот Эллианте жасаган.

Кийинчерээк рэпер чекесине имплантацияланган алмазды алып салганы айтылган. Бирок, TMZдин маалыматы боюнча, Lil Uzi Vert аны Rolling Loud ырын аткаруу үчүн атайын кайра тагынган.

Lil Uzi Vert “Long Long” дебюттук ырынын чыгышы менен дүйнөлүк атактуулукка ээ болгон. 2017 -жылы анын “XO TOUR Llif3” композициясы алдыңкы он ырдын катарына кирген.