Ошто маршруттук таксилердин айдоочулары жол кирени көтөрүүнү талап кылышууда. Бул тууралуу түштүк борбордун мэриясынын шаардык мэриясынын жана транспорт бөлүмүнүн башчысы Урал Раманов билдирди.
Анын айтымында, азыр бул маселе коомдук талкууда.
«Маршруттук таксилерде жол кирени 15 сомго чейин, муниципалдык транспортто 10 сомго чейин көтөрүү сунушталууда», — деди ал.
Эске салсак, Бишкекте 1-ноябрдан тарта коомдук транспортто жүрүү тарифи көтөрүлдү. Мындай чечимди шаардык кеңештин депутаттары кабыл алышты. Менчигинин түрүнө карабастан троллейбустарда жана автобустарда жол жүрүү 11 сом, маршруттук таксилерде 15 сом. Кара-Балта шаарында шаар ичинде да, Кара-Балта-Бишкек каттамында да жол кире кымбаттады.