Акжол Махмудов менен Роман Власов 2022-жылдын май айында беттешет
Акжол Махмудов менен Роман Власовдун беттеши 2022-жылдын май айынын аягында Бишкекте өтөт. Бул тууралуу спортчулар Instagram социалдык тармагында түз эфиринде макулдашышты.
«Кечинде беттешебиз, салкын болот. Андыктан үшүбөш үчүн майдын аягында беттеш өткөргөнүбүз оң», — дейт Акжол Махмудов.
Роман Власов грек-рим күрөшү боюнча кыргызстандык балбан үчүн баары жаңыдан башталып жатканын белгиледи. «Күрөштөгү жылдар эң жакшы жылдар. Өлкөңдө биринчи орунда тургандан жакшы нерсе жок. Акжол, сага көп наамдарды топтошуна тилектешмин», — деп баса белгиледи Олимпиаданын эки жолку чемпиону.
Белгилей кетсек, буга чейин 31 жаштагы Роман Власов маегинде Олимпиада оюндарынын күмүш байге ээси, кыргызстандык Акжол Махмудов менен беттешүүнү каалап жатканын билдирген.
2021-жылдын 3-августунда 77 килограммга чейинки салмак ченинде грек-рим күрөшү боюнча балбан Акжол Махмудов Токио Олимпиадасында күмүш байгеге ээ болгон. Ал Тамас Леринецке (Венгрия) 1:2 эсебинде утулуп калды. Буга чейин оюндарда кыргызстандык спортчу Тунистин (11:0), Азербайжандын (9:1) жана Армениянын (6:2) спортчуларын жеңген.
