Бишкектин Мурас-Ордо конушуна каттаган №206 маршрут мэрия тарабынан токтотулуп, анын ордуна автобустар коюлду. Бул тууралуу маалыматты бүгүн, 16-декабрда мэриянын басма сөз кызматы кабарлады.
Билдирүүгө ылайык, буга аталган конуштун тургундарынын №206 каттамдын ишине даттанганы жана “Жазада-Транс” компаниясы тарабынан келишимдеги милдеттемелер аткарылбаганы негиз болгон. Мындан улам борбор шаардын Транспорт башкармалыгы фирма менен келишимди үзгөн.
“Маршрут токтотулганына байланыштуу конкурс өткөрүлгөнгө чейин ыкчам тартипте “Шыдыр Жол Кей Джи” компаниясы менен келишим түзүлдү. “Ош” базарынан Мурас-Ордо конушуна чейинки үч айлык убактылуу маршрут иштелип чыгып, №41 каттам менен автобустар жүрө турган болду”, — деп жазылат маалыматта.