Казакстандагы башаламандык учурунда сегиз полиция кызматкери жана Улуттук гвардиянын жоокери каза болду. Ошондой эле 300гө жакыны жараат алды, — деп өлкө ИИМине таянып жергиликтүү Tengrinews.kz порталы жазат.
Казакстандын Ички иштер министрлиги бейбаштык жана талап-тоноочулук аракеттери чагымчылар тарабынан уюштурулуп жатканын айтып, чагымга алдырбоого чакырды.
Эскерте кетсек, үстүбүздөгү жылдын 2-январында Казакстандын батышында суюлтулган газдын кымбатташына байланыштуу нааразылык акциялары башталган. Кийин нааразылык акциялары өлкөнүн башка аймактарына да жайылган.
Казакстандын бардык аймагында өзгөчө абал режими жарыяланды.
Булак: РИА Новости