Кыргызстанда 12-февралга карата коронавирус 81 адамдан аныкталды. Бул тууралуу Саламаттык сактоо министрлиги билдирет.
Маалыматка ылайык, анын ичинде Бишкек шаарында – 41, Чүй облусунда – 34, Ош облусунда – 2, Ысык-Көл облусунда – 1, Баткен облусунда –1 адамдан илдет табылган.
Акыркы суткада 265 адам илдеттен сакайып чыкты, төрт бейтап каза болду.
Бүгүнкү күндө стационарларда коронавирустан 553 бейтап, амбулатордук түрдө 2 439 адам дарыланууда.
Кыргызстанда пандемия башталгандан бери 199 миң 971 адам коронавирус жуктурган. Алардын ичинен 192 миң 497 киши айыгып чыкса, 2 миң 924 адам каза болду.