Премьер-министр Акылбек Жапаров бүгүн маалымат жыйында «Эдил Байсалов өкмөт башчылардын бири болууга үйрөнүп жатат», — деп билдирди, вице-премьер-министрдин жүрүм-туруму жана ашыкча эмоционалдуулугу боюнча суроого жооп берип жатып.
Министрлер кабинетинин башчысынын айтымында, жумуш бар жерде дайыма сын болот. Ал социалдык маселелер боюнча вице-премьер-министрдин потенциалы чоң деп эсептейт.
«Ал эмоцияларды башкарганды үйрөнөт деп үмүттөнөм, мен ал туура багытта баратат деп ишенем. Мен анын колдоосун көптөгөн тармактарда сезип турам. Убакыт берсек, андан жакшы жетекчи чыгат», — деп жыйынтыктады Акылбек Жапаров.
Эске салсак, Эдил Байсалов жумуштагы жетишкендиктери үчүн эмес, ачуу сөздөрү менен коомчулуктун көңүл борборунда. Эл өкүлдөрү аткаминерди бир нече сессия катары менен алардын дарегине жагымсыз сөздөрдү айтканы үчүн сынга алышты.