Эрбол Султанбаев Украинадагы кырдаал жөнүндө: Кыргызстан тараптардын тынчтыкка тез арада жетишине үмүттөнөт

Президенттин басма сөз катчысы Эрбол Султанбаев Украинадагы кырдаалга байланыштуу комментарий берип, Кыргызстан тараптардын тынчтыкка тез арада жетишине үмүттөнөрүн белгиледи.

“Украинадагы кырдаалга байланыштуу, Кыргыз Республикасы тараптардын тынчтыкка тез арада жетишине үмүттөнөрүн белгилейбиз. Биз түзүлгөн кырдаалды жөнгө салууну кубаттайбыз, анын ичинде мындан аркы жоготууларга жана кыйроолорго жол бербөө үчүн сүйлөшүүлөр жолу менен да”, — деп билдирди Эрбол Султанбаев.