Кыргыз Республикасынын Эл артисти Марат Алышпаев менен коштошуу зыйнаты Бишкектеги Т.Абдымомунов атындыгы Кыргыз улуттук академиялык драма театрында өтүүдө.
Маркум менен коштошуу иш-чарасына мамлекеттик катчы Сүйүнбек Касмамбетов, маданият министри Азамат Жаманкулов, эл өкүлдөрү, чыгармачыл инсандар катышууда.
Марат Алышпаевдин сөөгү «Ала-Арча» көрүстөнүнө коюлат.
Белгилей кетсек, КРнын эл артисти, театр корифейи, заманыбыздын залкар актёру Марат Алышпаев 75 жаш курагында дүйнөдөн кайтты.
Алышпаев Марат Усенович 1947-жылы 17-декабрда Ысык-Көл облусунун Жети-Өгүз районуна караштуу Саруу айылында туулган.
1972-жылы А.В. Луначарский атындагы Москва театр искусство институтун аяктаган.
Марат Алышпаев түрдүү жанрдагы ролдорду мыкты аткарган, чыгармачылыгын коомдук иштер менен айкалыштыра билген актёр болгону менен белгилүү.