Франция менен Нидерландиянын бийликтери Орусиянын Украинадагы аскерий аракеттерине байланыштуу орусиялык миллиарддаган евролук активдерди тоңдурду, деп билдирет чет элдик басылмалар.
Франциянын Экономика жана Каржы министрлиги бүгүнкү күнгө чейин өлкө өз аймагындагы орусиялык 23,7 миллиард евролук активдерге бөгөт койгонун билдирди.
«Capital» басылмасынын маалыматы боюнча, тоңдурулган активдердин негизги бөлүгүн Орусиянын Борбордук банкынын активдери түзөт, анын баасы министрликтин маалыматы боюнча 22,8 миллиард еврону түзөт.
Активдердин тизмесине ошондой эле жалпы баасы 573,6 миллион евро болгон 33 объект, анын ичинде Антиб, Сен-Жан-Кап-Ферра жана Француз Ривьерасындагы Сен-Тропедеги бир катар курорттук даректер, ошондой эле 178 миллиард евро кирет.
Ал арада Нидерландиянын Орусияга каршы санкцияларын ишке ашыруу боюнча координатору Стеф Блок өлкөнүн 500дөн 600 миллион еврого чейинки орус активдерин тоңдурганын билдирди.
«Нидерландияда биз азыр 500 миллиондон 600 миллионго чейинки орус активдерин тоңдурдук. Бул биз бул маселе боюнча европалык рейтингдин ылдыйкы жагында эмеспиз», — деп айтылат өкмөттүн билдирүүсүндө.
Блоктун айтымында, азыр укук коргоо органдары Нидерландиядагы активдери тоңдурула элек орусиялыктарды жана орусиялык компанияларды издөөнү улантууда.