Кыргызстанда бир суткада СOVID-19 инфекциясынын 39 учуру катталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаментинен билдиришти.
Мекеменин маалыматына караганда, симптомдордун пайда болушуна байланыштуу 27 адам кайрылган. Импорттолгон эки учур (АКШ жана Казакстандан). Кетүүгө байланыштуу ПЦР-тест тапшырган 10 адамдан аныкталган.
34 бейтап амбулатордук дарыланса, 5 бейтап ооруканада жатат.
Бүгүнкү күндө бардык аймактар жашыл зонада. Бирок акыркы жумадагы эффективдүү репродуктивдүү сан 1ден ашык, бул оорунун өсүшүнүн башталышын көрсөтүп турат.
Пандемия башталгандан бери өлкөдө жалпысынан 201 282 коронавирус жана пневмония ооруусу катталды.