УКМК: №61-мектептин директору Низовскийдин 150 млн. сомдук 35 мүлкү аныкталды

Бишкектеги №61 автордук физика-математикалык мектеп-лицейи окуу комплексинин директору Юрий Низовский коррупцияга шектелип кармалды. Бул тууралуу УКМКнын маалымат кызматы кабарлады. Билдирүүгө ылайык, Низовский тарабынан уюштурулган коррупциялык схема аныкталган. Ал ата-энелерден мыйзамсыз түрдө акчалай сыйлык алып турган. Низовский тарабынан уюштурулган коррупциялык схема аныкталган. Ал ата-энелерден мыйзамсыз түрдө акчалай сыйлык алып турган.

Атайын кызматтын версиясы боюнча, директордун балдарды биринчи класска жана бала бакчага кабыл алууга жардам берүү үчүн бир нече жолу акча талап кылган фактылары ырасталган.
“Н.Ю.Н. системдүү негизде пара алып, ошондой эле окуучулардын ата-энелеринен каражат талап кылган. Ал өзүнүн активдерин жашыруу үчүн мыйзамсыз мүлктөрүн туугандарына жана ишенимдүү адамдардын наамына каттаткан. Тергөө маалында өзүнө жана жакын туугандарына таандык жалпы баасы 150 миллион сомдук 35 мүлк аныкталды. Ал жер тилкеси, коттедж, дүкөн, автоунаалар, үйлөр жана батирлер”, — деп айтылат маалыматта.
Ошондой эле УКМК Низовскийдин иш бөлмөсүн, ал жашаган батирди, дачаны тинткенде чет элдик валютадагы ири суммада акча, жогоруда аталган мүлктөрдүн документтери табылган.
Учурда директор кармалып, УКМКнын убактылуу кармоочу жайына киргизилген. Тийиштүү тергөө амалдары жүрүп жатат.
Белгилей кетсек, Юрий Низовский №61 автордук физика-математикалык мектеп-лицейи окуу комплексин 28 жылдан бери башкарып келет. Ал Билим берүү жана илим министрлигинин беш жылдан ашык иштеген директорлорду жумуштан алып, кайра конкурс аркылуу тандоо боюнча реформасына каршы болуп келет. Сынакка катышуудан баш тартканын айткан. Аны менен катар кээ бир ата-энелер аны ордунда калтырууну талап кылышууда.