Бишкектин “Алга” кыздар командасы футбол боюнча Кыргызстандын чемпиону болду. Бул тууралуу Кыргыз футбол бирикмесинен билдиришти.
Финалдык этапта Бишкек шаарынын командасы жети упай топтоп, 1-орунду камсыздады.
Ал эми Оштун “Каганат” командасы экинчи, Ысык-Көлдүн курамасы үчүнчү орунга илинди.
Сыйлоо аземинде медалды жана кубокту Кыргызстандын кыз-келиндер курама командасынын башкы машыктыруучусу Нематжан Закиров жана Ош шаары жана Ош облусу боюнча футбол ассоциациясынын өкүлү Эркин Нариев тапшырышты.
Ошондой эле төмөнкү оюнчулар өзгөчө сыйлык алышты:
Мыкты дарбазачы — Виолетта Дудочкина (Алга);
Мыкты коргоочу — Фатима Тургунбаева (Каганат);
Мыкты жарым коргоочу — Кымбат Өмүрбекова (Ысык-Көл);
Мыкты чабуулчу — Махабат Дайырбекова (Юность);
Бомбардир — Медина Рысбекова (Ысык-Көл);
Мыкты оюнчу — Нурсулуу Мурзакулова (Алга);
Мыкты машыктыруучу — Диана Черепанова (Каганат).