Бишкекте алыш күрөшү боюнча шаардын чемпионаты өтөт. Бул тууралуу Дене тарбия жана спорт департаментинен билдиришти.
Мелдеш 21-22-декабрда Каба уулу Кожомкул атындагы спорт ордосунда болуп, чоңдор жана өспүрүмдөр арасында алыштын эркин түрү боюнча таймаштар орун алат.
100дөн ашык балбан төмөнкү салмакта күчүн сынайт:
— эркектер арасында: 60 кг, 70 кг, 80 кг, 90 кг, 100 кг, +100 кг;
— кыз-келиндер арасында: 55 кг, 60 кг, 65 кг, 70 кг, 75 кг, +75 кг;
— өспүрүм эркектер (15-16 жаштагы) арасында: 50 кг, 55 кг, 60кг, 65 кг, 70 кг, 75 кг;
— өспүрүм кыздар (15-16 жаштагы) арасында: 40 кг, 45 кг, 50 кг, 55 кг.
Байге фонду:
— чоңдор арасында – 1-орун үчүн 4000 сом, 2-орун үчүн 3000 сом, 3-орун үчүн 2000 сом;
— өспүрүмдөр арасында – 1-орун үчүн 3000 сом, 2-орун үчүн 2000 сом, 3-орун үчүн 1000 сом.