«Барселона» Мессинин командага кайтып келери тууралуу кептерге комментарий берди

«Барселонанын» президенти Жоан Лапорта Лионель Мессинин кайтып келиши тууралуу пикирин  Twitterдеги «Carrusel Deportivo» баракчасына билдирди.

Буга чейин 35 жаштагы дүйнө чемпиону карьерасын «Барселонада» уланткысы келери белгилүү болуп, күйөрмандар аталган команданын президенти Лапорттон мындай мүмкүнчүлүк тууралуу сурашкан.

-Месси Барселонага кайтабы? – деген суроого,

— Ооба, — деп жооп берген ал.

Белгилей кетсек, аргентиналык футболчунун ПСЖ менен келишими жайында бүтөт.