Раззаков шаарында сел кырсыктарынан коргоо чаралары башталды

Баткен облусунун Раззаков шаарында сел коркунучунан коргоо аракеттери колго алынды.

Өзгөчө кырдаалдар министрлигинен билдиришкендей, аталган шаарга караштуу Тайлан айылынын Шапкырт-Сай участкасында 80 метр аралыкта 120 даана габион торчолорун орнотуу, сай жээгин бекемдөө иштери жүрүүдө.

Иштер толугу менен бүткөрүлсө, Раззаков шаарынын Тайлан айылындагы 3 турак жай жана 100 метр ички чарбалык жол сел кооптуулугунан корголот.