Мамлекеттик органдардын алдындагы коомдук кеңештерди жоюу жөнүндө мыйзамга кол коюлду

Кыргыз Республикасынын Президенти Садыр Жапаров “Мамлекеттик органдардын коомдук кеңештери жөнүндө” Кыргыз Республикасынын Мыйзамын күчүн жоготту деп таануу жана “Кыргыз Республикасынын Жогорку Кеңешинин Регламенти жөнүндө” Кыргыз Республикасынын Мыйзамына өзгөртүү киргизүү тууралуу” Кыргыз Республикасынын Мыйзамына кол койду.

Мыйзам 2023-жылдын 29-ноябрда Кыргыз Республикасынын Жогорку Кеңеши тарабынан кабыл алынган.
Аталган мыйзамдын максаты — “Мамлекеттик органдардын коомдук кеңештери жөнүндө” Кыргыз Республикасынын Мыйзамын күчүн жоготту деп табуу жолу менен мамлекеттик органдардын алдындагы коомдук кеңештерди жоюу.
Ушул Мыйзам расмий жарыяланган күндөн жети күн өткөндөн кийин күчүнө кирет.