Бишкектин аймагында мыйзамсыз жүргөн 40тан ашуун чет өлкөлүк жаран аныкталды

Кыргызстандын  Эгемендүүлүк күнүн майрамдоонун алдында УКМК тарабынан пландуу фильтрациялык иш-чаралар жүргүзүлдү.

Жыйынтыгында, визасынын мөөнөтү өтүп кеткен 42 чет өлкөлүк жаран (Бангладеш – 35 жана Пакистан-7) аныкталды.

«Тартип бузгандар Кыргыз Республикасынын ИИМдин Экстремизмге жана мыйзамсыз миграцияга каршы күрөшүү кызматынын аймактык бөлүмдөрүнө тиешелүү административдик жоопкерчиликке тартуу жана кийин КР чегинен тышкары депортациялоо үчүн өткөрүлүп берилди», — деп билдирет УКМК.