Без рубрикиКоом
Алагөзов: Мамлекет башчы жаңы Ак үйдүн ачылыш аземине катышат
Бишкекте жаңы Ак үй курулуп бүтүп, ишке берилүү алдында турат. Анын ачылышы бүгүн болоорун жана ага Садыр Жапаров катышаарын мамлекет башчынын басма сөз катчысы Аскат Алагөзов соцтармактагы баракчасына жазды.
«Бүгүн, 30-августта, Кыргыз Республикасынын Президенти Садыр Жапаров Кыргыз Республикасынын Президентинин Администрациясынын жаңы имараты — “Ынтымак Ордону” салтанаттуу ачуу аземине катышат.
Иш-чара УТРКнын жана социалдык тармактардын баракчаларынын түз эфиринде көрсөтүлөт.
Түз эфир башталышы болжолдуу — 20:20″, — деп жазды басма сөз катчы.
