ИИМ: Ала-Бука районундагы окуя иликтенүүдө
2024-жылдын 12-сентябрь күнү болжол менен саат 16:55 чамасында Ала-Бука РИИБдин нөөмөт бөлүмүнө Ала-Бука районунун Жапа-Салды айылынын ортосунда белгисиз жарандар унаанын артынан кууп келишип, ок чыгаргандыгы маалымдалган.
Териштирүү иштеринин алкаганда, Ала-Бука РИИБдин жетекчилиги окуя болгон жерге барган кезде болжол менен 25-30 жаштардагы балдар өз ара уруша кетип, балдардын арасынан бирөө трамватикалык курал менен ок чыгаргандыгы аныкталган. Кароо учурунда 1 даана гилзасы алынган. Бул тууралуу ИИМдин басма сөз кызматынан билдиришти.
Аталган факт Кыргыз Республикасынын Кылмыш-жаза кодексинин 280-беренесинде (бейбаштык) каралган кылмыштын белгилери боюнча кылмыш иши козголуп, соттук-медициналык, соттук-биологиялык жана соттук-баллистикалык экспертизалар дайындалган.
Милиция кызматкерлери тарабынан аталган окуяга шектүү катары Жалал-Абад облусунун Ала-Бука районунун тургуну 1994-жылы туулган К.Н. кармалып, тергөө кызматына жеткирилген. Буга чейин жаран Н.К. Россияда каракчылык фактысы менен соттолгон.
Ошондой эле жабырлануучу 1999-жылы туулган А.Э. райондук ооруканага жеткирилди. Азыркы учурда териштирүү иштери жүргүзүүлүүдө. Тергөө амалдарынын жыйынтыгы менен кошумча маалымат берилет.
