Президент Садыр Жапаров Түркмөнстанга иш сапары менен барат. Бул тууралуу мамлекет башчынын маалымат кызматынан кабарлашты.
Ага ылайык, өлкө башчы 11-октябрда Ашхабад шаарында түркмөн акыны жана философу Махтумкули Фрагинин 300 жылдыгына арналган «Мезгил менен цивилизациялардын өз ара байланышы — тынчтыктын жана өнүгүүнүн негизи» аттуу эл аралык форумга катышмакчы.
Иш-чарага Борбор Азия мамлекеттеринин жана башка өлкөлөрдүн башчыларынын катышуусу күтүлүүдө.
