Адам өлтүрүүгө аракет кылган шектүү кармалды

Бул тууралуу Ленин РИИБден билдиришти.

3-октябрда саат 19:26 чамасында «102» кызматына билдирүү түшкөн, анда Павлов көчөсүндө жайгашкан кафелердин биринде белгисиз эркек адам курч нерсе менен жарандын мойнуна жаракат келтирип, андан соң качып кеткен. Аталган факты боюнча Кылмыш-жаза кодексинин 37,122- беренесине (адам өлтүрүүгө аракет кылуу) ылайык кылмыш иши козголуп, тиешелүү экспертизалар дайындалган. Тергөө жана ыкчам издөө иш-чараларын жүрүшүндө милиция кызматкерлери тарабынан 1994-жылы туулган шектүү аныкталып, кармалып, камакка алынды.