Бишкекте автобустун катышуусунда жол кырсыгы катталды

Бишкектин Айни жана Шота Руставели көчөлөрүнүн кесилишинде бүгүн болжол менен саат 09:15те №216 автобустун жана жеңил унаанын катышуусунда жол кырсыгы катталды.

Бишкек мэриясынан билдиришкендей, «Ниссан» үлгүсүндөгү унаанын айдоочусу түштүктү көздөй бара жатып, жол белгисине баш ийбей автобустун алдыңкы оң капталын сүзгөн. Ал эми автобус жол жээгиндеги токтоп турган жеңил унааны сүзүп токтогон.

Жүргүнчүлөр арасында жабыркагандар бар.

Күбөлөрдүн айтуусунда, автобус өз жолу менен бараткан учурда катуу ылдамдыкта келе жаткан «Ниссан» унаасы сүзгөн.