Түркия президенти Садыр Жапаровго унаа белек кылды

Түркиянын президенти Режеп Тайып Эрдоган Кыргызстандын президент Садыр Жапаровго унаа белек кылды. Бул тууралуу президенттин басма сөз катчысы Аскат Алагөзов билдирди.

Алагөзов Садыр Жапаров рулга, ал эми Режеп Тайып Эрдоган анын жанында отурганын белгиледи.

Басма сөз катчы кошумчалагандай, өлкө башчысына Түркияда чыгарылган электромобиль белек кылынды.

Белгилей кетсек, ушул күндөрү Түркиянын президенти Режеп Тайып Эрдоган Кыргызстанда мамлекеттик сапары менен жүрөт.