Жергиликтүү кеңештердин шайлоосуна аралыктан добуш берүүгө 9 миң 50 арыз түштү. Бул тууралуу Борбордук шайлоо комиссиясы билдирди.
Маалыматка ылайык, алардын басымдуу бөлүгү же 72%ы 18-35 жаштагы жарандар.
Арыздардын эң көбү Кыргыз улуттук университетиндеги кабыл алуу пунктуна түштү. Андан кийинки орунда Каракол шаары турат.
Белгилеп кетсек, 17-ноябрдагы жергиликтүү кеңештерге мөөнөтүнөн мурда шайлоодо биринчи жолу аралыктан добуш берүү ыкмасы колдонулуп жатат.
