«Рус Коён» каймана аты бар УКТнын мүчөсү кармалды
Камчы Көлбаевдин жакын адамдарынын бири болгон уюшкан кылмыштуу топтун активдүү мүчөсү кармалды. Бул тууралуу УКМК билдирди.
2024-жылдын 16 — ноябрында Жалал-Абад облусунун Токтогул районунун аймагында мурда тергөө органдарынан жашырынып жүргөн, К. Көлбаевдин уюшкан кылмыштуу тобунун активдүү мүчөсү, 1983-жылы Ысык-Көл облусунун Бостери айылында туулган, криминалдык дүйнөдө «Рус Коен» же «Руслан Бостери» деп аталган КР жараны Дуйшеев Руслан Бекбоевич кармалды.
Аталган жаран Камчы Көлбаевдин жакын адамдарынын бири болуп, Ысык-Көл районунун Бостери айылын караган. Мурда каракчылык, адам өлтүрүү сыяктуу оор жана өзгөчө оор кылмыштар үчүн соттолгон.
Ошондой эле, колдо болгон маалыматтарга ылайык, издөөдө жүргөн Р. Дүйшеев КР УКМК жетекчилигине кол салууну уюштуруу планын иштеп чыккан.
Иликтөө жана ыкчам иш-чаралардын жыйынтыгы менен Р. Дүйшеевге уюшкан кылмыштуу топту түзгөн жана ага катышкан деген айып тагылып, КР УКМКнын тергөө абагына киргизилди.
Учурда К. Көлбаевдин уюшкан кылмыштуу тобунун тергөө органдарынан жашырынып жүргөн башка активдүү мүчөлөрүн аныктоо жана кармоо боюнча тиешелүү иш-чаралар жүргүзүлүүдө.
