Ташиев Кыргызстандын экс-элчисин камоого буйрук берди

УКМК башчысы кеп ири өлкөлөрдүн биринде элчиликти аркалаган саясатчы тууралуу болуп жатканын билдирди.

“Менин атымды сатып 250 миң доллар пара алган экен. Бүгүн эртең менен кармоого буйрук бердим. Арыз түштү, көрсөтмө беришти, акча алып жатканы тартылган видео, фотоматериалдар келди. Мен эмнеге аны аяшым керек. Качандыр бир кезде менин партиямда болчу, чогуу жүргөнбүз. Эч кимди аябайм. Жакындарым, балам болобу, бир туугандарым болобу, мыйзам бузуп түшүп калчу болсо, камалышат. Бул менин принцибим”, — деди Ташиев.