КоомКылмыш-кырсык
Чүйдүн Искра айылында 11 бала ууланды
Чүй облусунун Искра айылында окуучулар жапырт ууланганын аймактык милиция кабарлады.
Токмок шаардык ооруканага 12 жаштан 16 жашка чейинки 11 бала түшкөн.
Милиция бүгүн 7-класстын окуучусу таштанды полигонунан «BEN 10» деген конфет менен бөтөлкөдөгү таттуу сууну таап алганын аныктады. Ал таттууларды мектепке алып барып классташтары менен бөлүшкөн.
Балдарга медициналык жардам көрсөтүлгөндөн кийин үйлөрүнө жөнөтүлгөн. Тартип сакчылар тиешелүү экспертизаларды дайындаган. Иш Чүй ОИИБдин көзөмөлүнө алынганын айтышты.
