Жогорку Кеңештин депутаттары Кыргызстандын гимнин өзгөртүү боюнча ведомстволор аралык комиссиянын курамына мүчөлөрдү көрсөтүштү.
Жогорку Кеңештин 11-декабрдагы жыйынында вице-спикер Нурбек Сыдыгалиев министрлер кабинети гимндин үч вариантын ЖКга сунуштай турган ведомстволор аралык комиссия түзөрүн белгиледи. Анда депутаттык комиссия менен биргеликте иш жүргүзүлөт.
«Жаңы гимн мыйзам менен кабыл алынат», — деп кошумчалады ал. Депутат Исхак Масалиев министрлер кабинетинин комиссиясын депутаттардын катышуусуз иштөөнү сунуштады, анткени анын пикиринде, чыгармачыл адамдар менен талашып-тартышуу туура эмес.Бирок талкуунун жыйынтыгында комиссиянын курамына:
Аккулу Бардиев («Бүтүн Кыргызстан»);
Бакытбек Марипов («Мекенчил» депутаттык тобу);
Азамат Исраилов («Альянс»);
Винера Раимбачаева («Ыйман Нуру»); Кубаныбек Самаков («Элдик» депутаттык тобу);
Саидбек Зулпуев («Ата Журт Кыргызстан»); Кеңеш Рустам («Ишеним»);
Айбек Маткеримов (ЖК Социалдык саясат боюнча комитети).
Эске сала кетсек, буга чейин ЖКнын төрагасы Нурланбек Шакиев апрель айына чейин комиссия түзүп, жаңы гимнди бекитүүнү тапшырган.
