Өлкө боюнча 1871 бала бакчага камералар орнотулду

Республика боюнча 1871 мамлекеттик жана муниципалдык бала бакча бар. Анын ичинен 1186 бала бакчада видеокамералар орнотулду. Бул тууралуу Билим берүү министрлигинен билдиришти.

«Баткен облусунда 81 бала бакчада, Ош облусунда – 369, Ош шаарында – 51, Жалал-Абад облусунда – 230, Чүй облусунда – 79, Бишкек шаарында – 115, Ысык-Көл облусунда – 87, Нарын облусунда – 121, Талас облусунда – 53 бала бакчада видеокамералар коюлду. Калган 685 бала бакчада да видеокамераларды тез арада орнотуу талап кылынууда», — деп жазылат билдирүүдө.

Ушундан улам Билим берүү жана илим министрлиги жергиликтүү мамлекеттик администрацияларга кайрылып, бала бакчаларда коопсуз билим берүү чөйрөсүн түзүү максатында видеокамераларды орнотууну сунуштады.