Кундузбек Сулайманов: «Орусияда мигранттардын балдарын мектепке албай жатат, онлайн окууну уюштуруу керек»

Орусияда мектепке алынбаган балдарга онлайн окутууну ишке ашыруу керек. Мындай пикирин бүгүн, 25-декабрда Жогорку Кеңештин жыйынында депутат Кундузбек Сулайманов билдирди.

«Жакында Орусиянын Мамлекеттик думасынын кабыл алган мыйзамы боюнча, мигранттардын орус тилин билбеген балдарын мектепке алууга тыюу салынды. А биздин Билим берүү министрлиги онлайн окутуу программасын эмне себептен кечиктирип жатышат? Ошол жактагы балдарыбыздын онлайн окуусун уюштуруп берсек», — деди эл өкүлү.