Каныбек Туманбаев: Акыркы эки жылда президенттин Иш башкармасынын карамагындагы мекемелердин кирешеси 4,5 эсеге өстү
Кыргыз Республикасынын Президентинин Иш башкармасына караштуу мекемелердин кирешелери 2023-жылга салыштырмалуу болжолдуу түрдө 3 эсе же 296,9%га өстү. Бюджеттик мекемелер боюнча өсүш — 167,1%, ал эми чарбалык эсептеги мекемелер боюнча өсүш 320,6% түздү. Акыркы эки жылда бул кирешелер 4,5 эседен ашык же 477,2%га көбөйдү. Бул тууралуу Президенттин иш башкаруучусу Каныбек Туманбаев билдирди.
Президенттин Иш башкармасына караштуу мекемелердин жетишкендиктери: рекорддук өсүш жана ийгиликтер
2024-жыл Кыргыз Республикасынын Президентинин Иш башкармасына караштуу мекемелер үчүн маанилүү жана ийгиликтүү жыл болду. Мекемелер финансылык туруктуулукту гана камсыз кылбастан, негизги көрсөткүчтөр боюнча да ишенимдүү өсүштү көрсөтө алышты. Бул жыл ресурстарды натыйжалуу пайдалануу жана стратегиялык иш алып баруу менен коштолду.
Кирешелердин өсүшү: көрсөткүчтөрдүн жогорулашы
Президенттин Иш башкармасына караштуу мекемелердин жалпы кирешеси 7,0 миллиард сомду түзүп, 2023-жылга салыштырмалуу 3 эсеге өстү. Бул өсүш натыйжалуу башкаруунун жана жакшы пландоонун жыйынтыгы экенин айкын көрсөтүп турат.
Айрым мекемелердин ийгиликтери
• «Президенттин № 1 мамлекеттик резиденциясы» мекемесинин кирешеси 132,8%га же 48,7 миллион сомдон 113,3 миллион сомго көбөйдү. Бул мамлекеттик мекемелер менен натыйжалуу иштешүүнүн жана башкаруу процессин жакшыртуунун натыйжасында болду.
• «Ала-Арча» жаратылыш паркынын өсүшү 191,7%ды же 120,5 миллион сомдон 231,0 миллион сомго чейин түздү. Бул жетишкендик кызмат көрсөтүүнүн сапатын жогорулатып, объекттерди туура пайдалануунун жемиши.
• «Кыргызстройсервис» мамлеккттик ишканасы 2 эсе өсүштү камсыз кылды: 504,4 миллион сомдон 1,0 миллиард сомго жетти. Бул курулуш долбоорлорун ийгиликтүү ишке ашыруунун жана рыноктун кеңейишинин натыйжасы.
• «Кыргыздипсервис» мекемеси өз кирешесин 8 эсе көбөйттү, башкача айтканда 32,7 миллион сомдон 263,9 миллион сомго жеткирди. Бул уюмдун ишмердүүлүгүн оптималдаштыруу жана жаңыртуу аракеттеринин жыйынтыгы болду.
• «Учкун» ачык акционердик коомунун кирешеси 10 эсе өстү, тагырагы 227,9 миллион сомдон 2,3 миллиард сомго жетти. Бул ийгиликтер негизги каражаттарды модернизациялоонун, жаңы багыттарды эске алуу жана менеджментти оптимизациялоонун натыйжасында келип чыкты.
Жалпы жыйынтык: туруктуу өсүш жана ийгиликтер
Чарбалык эсептеги мекемелердин жалпы кирешеси 2023-жылга салыштырмалуу 3 эсе өсүп, 2,3 миллиард сомдон 7,0 миллиард сомго жетти. Бул көрсөткүч Президенттин Иш башкармасына караштуу бардык мекемелердин туруктуулугун жана натыйжалуу иш алып баруусун далилдеп турат.
Келечекке карай: өнүгүү багыттары
Ийгиликтүү жетишкендиктер келечек үчүн бекем пайдубал түзүүдө. Бул мекемелер өз ишмердүүлүгүн улантып, кызмат көрсөтүүнүн сапатын жогорулатуу, процесстерди оптималдаштыруу жана ишмердүүлүк багыттарын кеңейтүү аркылуу туруктуу өсүштү камсыз кылууну пландоодо.
