Кыргызстан менен Түркия диний жаатта кызматташат

Кыргыз Республикасынын Дин иштери боюнча мамлекеттик комиссиясынын директору Азамат Юсупов жана Кыргызстан мусулмандар дин башкармалыгынын башчысы Абдулазиз Закиров иш сапары менен өз ара Түшүнүшүү жөнүндө Меморандумдун долбоорун ишке ашыруу максатында Түркия мамлекетине болушту.

КР ДИМКнын директору Азамат Юсупов жана Кыргызстан мусулмандар дин башкармалыгынын башчысы Абдулазиз Закиров баштаган делегация Түркиянын Дин иштери боюнча төрагасы Али Эрбаш менен жолугушууда диний билим берүүнү өркүндөтүү, дин жаатында тажрыйба жана методикалык маалыматтар менен алмашуу, ошондой эле дин чөйрөсүндө биргелешкен изилдөөлөрдү жүргүзүү тууралуу маселелер талкууланып, диний тармакта кызматташуу меморандумуна кол коюлду.
Жыйынтыгында тараптар өлкөлөр ортосундагы кызматташтыкты, достукту өнүктүрүүгө жана чыңдоого ишеним билдиришти.