Чүйдөгү автокырсыкта 5 адам жаракат алып, ооруканага жаткырылды
Буга чейин социалдык тармактын колдонуучулары «Новопокровка айылында жол кырсыгы катталды» деген видео менен бөлүшүп жатышкан. Кырсык боюнча ИИМдин жол кыймылынын коопсуздугун көзөмөлдөө башкармалыгынан маалымат беришти.
Volkswagen Golf 3 үлгүсүндөгү унаа Бишкек-Кант багытында күн чыгышты көздөй бара жатканда батыш багытка бара жаткан Тойота Марк Х үлгүсүндөгү унаа каршы тилкеге чыгып сүзгөн.
Алдын ала маалымат боюнча, жол кырсыгынан жалпы 5 жаран жаракат алып, ооруканага жеткирилген.
Алдын ала аныктоо учурунда, Тойота Марк Х үлгүсүндөгү унаанын айдоочусу жана жүргүнчүлөрү чет өлкөлүк жарандар экени, ал эми Volkswagen Golf 3 үлгүсүндөгү унаанын 21 жаштагы айдоочусу айдоо укугунан ажырап, айдоочулук күбөлүгү жок болгону аныкталган. Жеринде Чүй облусунун жол тескөөчүлөрү иш алып барууда.
