Коом
31-декабрда «Ала-Тоо» аянтында россиялык артисттердин катышуусунда концерт болот
Бул тууралуу Бишкек шаардык мэриясынан билдиришти.
Маалыматка ылайык, концерттик программа 18:00дө башталып, ага россиялык ырчы Клава Кока, «Дискотека Авария» жана кыргыз эстрада жылдыздары катышат.
«Бишкектин «Ала-Тоо» аянты кооздуктары, музыкасы жана көңүл көтөргөн шаңы менен майрамдык маанайдын борборуна айланат. Үй-бүлөңүз, досторуңуз менен Жаңы жылды шаарыбыздын жүрөгүндө тосууга келиңиздер», — деп айтылат муниципалитеттин маалыматында.
