Россиядагы жол кырсыктан төрт кыргызстандык каза болду

31-декабрда Россиянын Оренбург облусунда жол кырсыктан төрт кыргызстандык каза болду. Бул тууралуу ТИМдин маалымат кызматы билдирди.

Мекеменин алдын ала маалыматы боюнча, мекендештер бара жаткан Chevrolet Cruze автоунаасы каршы тилкеге чыгып кетип, башка автокөлүк менен сүзүшкөн.

Россиянын тиешелүү органдарынын маалыматы боюнча, кырсыктан 48 жаштагы Р.Н., 42 жаштагы Б.Т., 38 жаштагы Д.А., 34 жаштагы С.Н. көз жумган.

Автоунаадагы кичинекей баланын аман калганы кабарланды. Ал жаракат алып ооруканага жеткирилген.