Казакстанда жүзгө жакын автоунаа кагышты

Акмоло облусунда чоң жолдо 100гө жакын автоунаа кагышты. Бул тууралуу Tengrinews.kz басылмасы жазды. Маалыматты аймактык полиция департаментинин басма сөз кызматы тастыктады.

«Саат 13:30да Акмоло облусунда, Биржансал районунун Когам айылы менен Каратал айылынын ортосунда аба ырайынын начарлашынан (бурганак, көрүнүүнүн чектелишинен) 100гө жакын автоунаа кагышкан. Жабыркагандар жана жабыр тарткандар боюнча азырынча маалымат жок», — деп билдиришти департаменттен.

Бул жерде полиция жана өзгөчө кырдаалдар кызматынын кызматкерлери иштеп жатышат. Автоунааларды эвакуациялоо жана жол коопсуздугун камсыздоо иштери жүргүзүлүүдө.

Белгилей кетсек, буга чейин тез жардам кызматы аймакта аба ырайынын начарлашы мүмкүндүгүн эскерткен. Буга байланыштуу бардык айдоочуларга, өзгөчө шаар четиндеги трассаларда жүрүүдөн баш тартуу сунушталган.

Катуу бороондон улам Астана — Щучинск трассасы саат 12:00дөн тарта жабылды.