Кечээ, 9-январда футбол боюнча Кыргызстандын U-20 жаштар курама командасы Испаниянын Аликанте шаарында өтүп жаткан окуу-машыгуу жыйынынын алкагында алгачкы контролдук беттешин өткөрдү.
Кыргыз футбол биримдигинен билдиришкендей, оюн испандык «Картахена» клубуна каршы өттү.
Беттешке Кыргыз футбол биримдигинин президенти Камчыбек Ташиев күбө болуп, ал курама команданын 5-0 ири эсеп санындагы жеңиши менен аяктады.
Оюндан соң КФБ жетекчиси футболчуларды жеңиши менен куттуктап, жаңы башкы машыктыруучунун жетекчилиги алдында команданын Азия кубогуна болгон даярдыгы мыкты экендигин белгиледи.
