Депутат Бакиров кырсыктын кесепетин казынадан каражат коротпой элдин күчү менен калыбына келтирүүнү сунуштады

415

Вице-спикер Мирлан Бакиров парламенттин бүгүнкү отурумунда бюджеттен акча сарптабай эле кырсыктын кесепеттерин жоюу үчүн калкты мобилизациялоону сунуштады.

Эл өкүлү аны менен бирге алдын алуу иштерин жүргүзүү, жаңы каналдарды казуу, дамбаларды курууну элин күчү менен ишке ашыруу керек деп эсептейт.

“1958-жылы Чоң Чүй каналы казылганда, адамдар колу, күрөктөрү жана кетмендери менен оор техникаларды колдонбостон иштешкен. 100 км, 50 миң га жакын жер казылды. Жергиликтүү калкты, жумушсуздук боюнча жөлөк пул алган жарандарды мобилизациялоого болот. Бул маселени ар тараптуу чечели. Ошентип, биз жыл сайын миллиондогон сом коротобуз ”, – деди депутат Мирлан Бакиров.

Вице-премьер-министр Акрам Мадумаров эл өкүлү менен макул болду.

“Абдан туура айтылган. Бюджетте акча жок экендигин айтып отуруп отуруунун кажети жок. Айрым жерлерде мобилизациялоону жүргүзүп, адамдар өзүлөрү сугат арыктарын казып, суу көйгөйүн чечип, алдын алуу иштерин жүргүзүп жатышат. Муну республика боюнча жасасак болот, биз жергиликтүү бийликтерге тапшырма беребиз”,-деди Мадумаров.