АКШ президенти Дональ Трамп Кытай мамлекети үчүн сюрприз даярдап жаткандыгын жана ал Гонконго карата Пекин тарабынан кабыл алынган иш-аракеттерге АКШнын жообу болуп калары тууралуу билдирди.
«Биз азыр дагы жөн отурган жокпуз. Ооба, ал силер үчүн өтө кызыктуу болот, бирок мен аны эки күндөн кийин ачыктайм», — деген ал журналисттердин Кытайга каршы санкциялар киреби же жокпу? — деген суроосуна жооп берип жатып.
Ошол эле учурда Блумберг агенттиги расмий булактарга таянуу менен АКШ президентинин администрациясы «кытай чиновниктерине, ошондой эле бир катар компаниялары менен финансы институттарына карата санкцияларды» киргизүү мүмкүнчүлүгүн караштырып жаткандыгын белгилеген.
Ал эми АКШ мамлекеттик катчысы Марк Помпео Гонконгдун автономиясы менен эркиндигине каршы кабыл алынуучу Кытайдын ар бир чечимин Вашингтон жөн гана карап отуруп албасын, сөзсүз түрдө «Бир өлкө, эки система» принциби кайра каралаары тууралуу кошумчалаган.
Эске сала кетсек, жекшемби күнү Гонконгдо өкмөткө каршы маассалык каршылык акциялары уюштурулуп, полиция тарабынан эки жүзгө жакын адам камакка алынган. Каршылык акциясын уюштуруучулардын негизги талабы Кытай өкмөтү тарабынан демилгеленип жаткан Улуттук коопсуздук жөнүндө долбоорду жокко чыгаруу.