Мамлекеттик жаза аткаруу кызматы кечээ Бишкектеги СИЗО-1деги камактагылардын уюшкандык менен камералардын эшигиндеги темир буюмдарды каккылаган иш-аракеттерине комментарий берди.
“Кечээ, 5-июнда, абактагылардын биринин туулган күнү болду. Абактагылардын ортосунда өз ара сүйлөшүү мүмкүнчүлүгү жок болгондуктан, кечинде алар куттуктоо иретинде эшикти кагышты. Күндөлүк тартипке ылайык, белгиленген убакытта СИЗO-1дин администрациясы абактагыларга уктоо мезгили келгенин жарыялаган », – деп билдиришти департаменттен.
Мамлекеттик жаза аткаруу кызматынын маалыматы боюнча, дүйнө жүзү боюнча пенитенциардык тутумдарда ушундай окуялар кездешет.
Эске салсак, кечээ, СИЗO-1ге жакын жашаган тургундар, абакта нааразычылык митинги өтүп жаткандыгын билдиришип, металды соккулаган үн чыгып жаткан видону социалдык тармактарда тараткан.
