Акыркы сутка ичинде АКШда коронавирустан каза болгондордун эң төмөнкү көрсөткүчү катталган. Бул туууралуу Deutsche Welle басылмасы маалымдаган. Ошентип, бул өлкөдө акыркы сутка ичинде 382 адам каза болгондугу белгилүү болгон.
Акыркы учурларда АКШда күн сайын COVID-19 илдетинен болжол менен 800 адам каза болуп турган жана бардыгы болуп пандемия башталгандан бери 117 миңди түзгөн.
Ошондой эле, өткөн сутка ичинде Францияда коронавирустан каза болгондордун саны дагы 9 адамды, Улуу Британияда 36 адамды түзгөн. Бул 21-марттан берки эң төмөнкү көрсөткүч болуп саналат.