Пациенттерге өз билгениндей операция өткөрүп келген хирург каза болду

РЕН-ТВнын билдирүүсү боюнча бир нече пациентке өзү билгендей операция жасап жүргөн жана бул багытта эч кандай адистиги жок Алена Верди деген жалган хирург каза тапты.

Буга чейин анын комага түшүп калгандыгы тууралуу айтылган. Тергөө иштеринин натыйжасында Алена Верда 2015-жылдан тартып 2019-жылга чейинки мезгил аралыгында атайын билими жок экендигине карабастан дарыгер катары пациенттерди кабыл алып, пластикалык операцияларды жасап келген. Мунун натыйжасында бир аял каза таап, бир нече пациент майып болгон.

Белгилей кетчү нерсе, социалдык тармактар менен ММКларда ал «Доктор Франкенштейн»-деген ысым менен белгилүү болгон.