17-июнуна кыргыз-казак мамлекеттик чек ара аймагындагы  өткөрүү жайларындагы кырдаал туруктуу экендигин  Мамлекеттик чек ара кызматы маалымдайт.

«Чалдыбар-авто жол» жана «Кең-Булун авто жол» өткөрүү жайларынын иштеп башташы «Ак-Тилек-авто жол» өткөрүү жайынын ишин жеңилдетти жана оор жүк ташуучу транспорт каражаттарынын тоскоолдуксуз, топтолбой кезек күтүүсүз өтүүсүн камсыздай алды.

2020-жылдын 17-июнуна карата кыргыз-казак мамлекеттик чек ара аймагында төрт авто жол өткөрүү жайлары жумуш алып барууда, алар: Чүй облусунда «Ак-Тилек-авто жол», «Чалдыбар-авто жол», «Кең-Булун авто жол», ал эми Талас облусунда «Чоң-Капка авто жол» өткөрүү жайлары.

Жарандарды жана оор жүк ташуучу транспорт каражаттарын өткөрүү Кыргыз Республикасынын Өкмөтүнүн 2020-жылдын 17-мартындагы номер 84-р тескемесиндеги талаптардын негизинде «Ак-Тилек-авто жол» жана «Чоң-Капка авто жол» өткөрүү жайларынан ишке ашырылат.

«Чалдыбар-авто жол» өткөрүү жайы эки тарапка оор жүк ташуучу транспорт каражаттарын өткөрүүнү гана ишке ашырып, ал эми «Кең-Булун авто жол» өткөрүү жайы болсо Кыргыз Республикасынан сыртка бош оор жүк ташуучу транспорт каражаттарын өткөрүүгө ачылган.

Темир жол курамындарынан жүк ташууну «Каинды-темир жол» өткөрүү жайы ишке ашырат.