Президент Сооронбай Жээнбеков баштаган Кыргызстандын делегациясы кечээ, 24-июнда Россия Федерациясынын Москва шаарынан кайтып келди. Бул тууралуу өлкө башчынын басма сөз кызматы билдирди.
Санитардык-эпидемиологиялык иш-чаралардын алгоритмине ылайык, делегация мүчөлөрү коронавирус инфекциясына кайрадан анализ тапшырышты.
Буга чейин белгиленгендей, алардын бардыгы, анын ичинде мамлекет башчысы дагы анализдери чыкканга чейин 3 күндөй өз алдынча обочолонууда болушат. Москвада анализдеринде илдет аныкталгандар 14 күн обочолонууга алынат.