Пенсионерлер жол жүрүү картасын акимчиликтен алса болот

Пенсионерлер жол жүрүү карталарын акимчиликтен жана аймактык муниципиалдык башкармалыктан ала алышат. Бул тууралуу калаа муниципалитетинин басма сөз  кызматы билдирди.

Маалыматта айтылгандай, жеңилдетилген жол жүрүү карталары 1-июндан тарта бериле баштаган. Бүгүнкү күнгө чейин 6 миңден ашуун песионер алган.

«Жол жүрүү картасы санитардык талаптардын негизинде берилет. Аймактык муниципиалдык башкармалык бир күндө 80ден ашпаган адам кабыл алат, ал эми акимчиликте 50 кишини кабыл алат», — деп билдирет мэрия.

Аймактык муниципиалдык башкармалык 15-июлда ишин токтотоору белгилүү болду.

Жол жүрүү картасын алуу боюнча маалымат алуу үчүн 0312 58 20 00 номуруна кайрылууга болот.