Видео – БУУнун унаасында жыныстык катнаш кылган тасма тарады

Бириккен Улуттар Уюму Израилде болуп өткөн жана уюмдун символикасы түшүрүлгөн автоунаадагы жыныстык катнаш түшүрүлгөн видеого “өтө кыжаалат болуп жатышкандыктары тууралуу” билдирүү жасады.

Кадрда кызыл көйнөкчөн аял жана эркек машиненин арткы отургучуна отуруп алышып жыныстык катнаш жасап жаткандыгын көрүүгө болот. 18 секундга созулган бул видео жума күнү Twitter социалдык тармагына жайгаштырылган.

Белгилей кетчү нерсе, БУУ бул инцидент боюнча иликтөө иштери жүрөөрүн, ал тургай видеого түшүп калгандардын өздүгү дагы такталганын жана алар Израилдеги тынчтык орнотуучу уюмдун кызматкерлери экендигин билдирди.